( الناس ضيوف )
دنيا وعليها الناس ضيوف
يوم كده حلو ويوم مليان بخسوف
اهوه كله كلام مليان بشغف
بتحس اكيد انك موجود لك طيف
بعيش لك ومعاك بيحسك وبخوف ملهوف
وكلام وهموم حواديت بتروح لزمان وتلف
مع الايام بطريق كله غيوم اوهام
يجى صوت الخوف ممدود من نوم
تصحه وكانك عارف نفس الصوت
اكيد صوت مكبوت
تصرخ كده بصوت جبار الموت يا خلق
يا نهار ولا حد بيسمع صوت مخلوق
هتقول كدة ذى الناس بكره تتعدل الأحوال بكره هاجى ياخال ويفرجها علينا بالمال
اهوه كاس وداير بالدنيا بقلوب الناس والاها
حد يعرف بكره مكتوب لنا ايه معها
ومسيرنا اكيد هنوصل بطريق هيعدى علينا
وهنمشى نروح على اهلينا
ونفكر ليه على بكرة
خلينا كدة نعيش بفكرة
يمكن يظهر لنا طيف بشعاع من نور
نحلم ونعيش افرح وسرور
وهتقول كدة ذى الناس بكرة تتعدل الأحوال
بكره هاجى ياخال ويفرجها علينا بالمال
اهوه تتعدل أو تتبدل هتعيش كدة مستور
كدة احسن لك تعيش فى النور
احسن لك ماتلقى حد يكون غيور
تشوف منه اهوال ومصايب كدة اهون من النار
احسن لك عيش وخليك راضي بعشتك بنور
واعرف انك لك رب غفور
ونفكر ليه على بكرة
خلينا نعيش كده بفكرة
ده ربك هو اللي بيعدلها ونعيش بنور
طالما معانا مجرنا هو اللي علينا غفور
وهتقول كده ذى الناس بكرة تتعدل الأحوال
بكرة هاجى ياخال ويفرجها علينا بالمال
بقلمي / الشاعرة الأديبة
سوسن النجار
ليست هناك تعليقات:
إرسال تعليق