( الإنسان )
قال الشاعر :
................
لما الانسان
يوضح برجولة ونخوة
يعيش فى سعادة وحياته تبان
الفرصة تجيله يتهنى بفرحة
ضى كرامتة نيون فى صوان
تلين القلب ان كان صوان
ابو قلب سليم دايما فى امان
مليان الروح تقوى وإيمان
باخلاصه وصدقه يرتاح البال
وطيبة النية بوضوح الشمس
ناطقة بفخر تملا الاذهان
نبل وفاؤه يحظى بمكانة
بقلبه وعقله رمانة بميزان
امانة فى صدقه ما يكون خوان
بشعور واحساس سوى الافعال
يقرا العيبة ما ينطقها لسان
على كد غطاه مايكون بطران
وسكة مشوارة سهله بعنوان
واضح فى احواله بالاحسان
احلامه تتحقق ما يكون قلقان
علشان يكون انسان
ما يضيع شكل ملامحه
ولا تهتز جوارحه ولا ينهان
ما يرشش تبن فوق الميه
ويخدع غيره ويحليله المشىية
ويقوله تعالي اتمشى تحتك نشفان
...........................
احمد الشريف حسين
ليست هناك تعليقات:
إرسال تعليق