......... ليه أسأل عليه .........
ميستاهلش أسأل عليه تانى
وهو عمره ما سأل عليا
طول عمره معايا وهو انانى
وبحاول أنسى عمايله فيا
من انانيته نهب كل حنانى
وخلا الطيور تهجر بستانى
والأغصان تموت ع بيبانى
وجرح الورووود فى إيديا
قولت له كتير وعاتبته كتير
ووصفته لنفسه إنه مغروور
عشان أحرك جواه الأمانى
لقيته بيعاند وهو مسروور
وعامل مش واخد باله بيا
صبرت عليه بكل المعانى
وكلمت كمان كل الطيوور
وشاهدتهم عليا قدام عينيا
يبقى ليه أسأل عليه تانى
وهو حرمنى من الحنيه
ده ميستاهلش إلا حرمانى
لأنه طول عمره عليا جانى
وخسارة تبكى عليه عينيا
..................................
....... حسن الشوان .........
ليست هناك تعليقات:
إرسال تعليق