ياعيد ارحب هلا ياعيدنا المدبر
ياعيد ارحب ولو ماهيش لك عاده
قلنا عتسبر ولكن مارضت. تسبر
ولا أتى العيد على ماكان .نعتاده
كان عادة العيد يجينا والفرح يمطر
والكل فارح كأنه يوم ميلاده
واليوم تقل عيد وتربا الكل بيفكر
ياليلة الجن زاد ا لهم بزياده
نشتي ونشتي مطالب جر يابي جر
مطالب العيد وما يدي لاولاده
كم قلت ياعيدمن فضلك قليل اصبر
قال اربعه ايام هذا وقت ميعاده
ياعيد ياعيد لايعقل ولا يفكر
ولوبيدي الوقت كان صفرت عداده
وعاد باقي أهم ألاحظه وأنظر
أهم من وضعنا والفقر ياقاده
مابين اهم المصاريف والدقيق والبر
ولا الغلا والحراف لو جاء بمرصاده
طبع البشر صار متقلب ومتغير
وقلوب كل البشر كالجمر وقاده
هذا بيحسد وهذا شخص متكبر
والصدق ضايع وضاع الحق مغواده
الوضع مزري ولكن ربنا يستر
قلدكم الله. كيف الوضع ياساده
✍️ محمد علي الحزيف
ليست هناك تعليقات:
إرسال تعليق