(( مين إللي جارحني ))
رومانسية
أديب د/وحيد محروس خليل
وأنا مين اللي كان جارحني
ولا جه في يوم فرحني
وبرغم الحب ما سامحني
وقلبه كان قاسي وعنيد ...
♡♡♡♡♡♡♡♡
أنا إديتلك عمري كله
وريحان قلبي وفُله
كان حبك إللي فاضله
لجل ما يعيش سعيد ...
♡♡♡♡♡♡♡♡
ياما حاسستك بالأمان
وحاميتك من الزمان
ليه كله راح وهان
وخلى شوقي ليك يزيد ...
♡♡♡♡♡♡♡♡
عيشت الحب ف غنايا
وف قربك كان هنايا
طب ليه تزيد آسايا
وتبعد بقى من جديد ...
♡♡♡♡♡♡♡♡
سايبني والفكر شارد
ولهيبي ف قلبي قايد
وأنا بتحمل وساكت
دا أنا من غيرك وحيد ...
♡♡♡♡♡♡♡♡
دا الحب جميل وسامي
وصورتك دايماً قُدامي
ما بتفارقني ف أحلامي
ويوم لُقانا هيبقى عيد ...
♡♡♡♡♡♡♡♡
إغفر لقلبي وسامح
دا الشوق في قلوبنا طارح
والهجر سلاحه جارح
لكن ربك لما يريد ...
♡♡♡♡♡♡♡♡
مين اللي جارحني
أديب د/ وحيد محروس خليل .مصر
ليست هناك تعليقات:
إرسال تعليق