العقد انفرط
و الحابل بالنابل اختلط
و الكل بيهتف للغلط
و احنا يدوب عايشين
***
لا قدرنا نغير المفاهيم
و نعدل فيهم التصميم
لعقول محتاجه ياناس ترميم
هنقول لمين يامفكرين
***
في ناس كتير غاويه اللقطة
لو حتى هيشيلوا الشنطه
في حسابه يزود كام نقطة
راح تكسب ايه منهم ياحزين
***
ياريت تغير مفاهيمك
قبل ضميرك ما يلومك
ييجي يوم و تفتش في هدومك
من جرح الذكرى بقوا دايبين
(((أسامه جديانه)))
ليست هناك تعليقات:
إرسال تعليق