سحر العيون
علشان حلاوة سحر العيون
العُمر كُله والله يهون
صوره ف خيالى اخر جمال
والسحر فيها شئ م الخيال
والشعر ذهبى مفرود ونازل
يحرق بلونه قلب العوازل
حتى الشفايف ليها ابتسامه
بتسيب فى قلبى 2000 علامه
وخدودها ناعمه زى الحرير
العطر منها يفوح / يطير
حتى الطبيعه تحبها
والطير يغنى لحُسنها
والشمس فى وجودها سراب
حتى القمر من خجله غاب
دارى عيونك م الحسود
وكفايه خجلك ع الخدود
اه من عيونها وسحرها
والقلب داب فى بحرها
نظرات كطلقات البارود
بتكوى قلبى بجمرها
جمال طبيعى مالوش حدود
ابيع حياتى لمهرها
شعر احمد اسماعيل / شاعر العرب
ليست هناك تعليقات:
إرسال تعليق