==== نسيت الميعاد ====
كان الميعاد إمبارح
معرفشي إيه نسَّاني
كان فكري معاه و سارح
ونساني شيطاني ...
معرفش إيه العمل
علشان أروح وأرضيه
يمكن حبيبي يسامح
الشوق في قلبي زاد
بعد ما فات الميعاد
ملهوف وعليا واضح ....
ياطريقي بلاش تِطَوِّلْ
الغلطه مني الأول ...
فرحان وأنا لسه رايح
أومال لو شفتها ...
وعنيه جت في عينيها
مهو قلبي حبها
ويعرف ازاى يراضيها
وأحكي ليها وأصارح
ياعطر الورد انت ِ
يا يسمينه وفل
جنة ودنيا ومحبة
قمراية لما تطل
بقلب كبير مسامح
سامحيني يا أحلى وردة
طالب منكِ سماح
نفكر ف اللِّي جاى
وننسى كل اللِّي راح
وأملنا في بكرة طارح
بقلمي
صلاح شعبان الفيداوي
القاهرة
٢/٧/٢٠٢٣
ليست هناك تعليقات:
إرسال تعليق