ليه يا دنيا
********
ليه يا دنيا معنداني ونسيتي اللي جرالي
عايش فيكي غريب والقلوب قسياني
أنا أخلصت في حبي وسعادة غيري
وفي الأخر خانوا الود واتجنوا حبي
واديني بشكي عذابي ونار غلبي
مجروح والجرح كبير والمني
والليل بيطول والفكر يؤلمني
والروح اشتكت من كتر همومي
العيب في الزمن ولا العيب في
كفاية يا ذمن بتاخد مني احلى أيامي
اكتر من اللي فضلتهم على نفسي
سألت روحي وقلبي سبب عزابي
لقيت قلبي كاتم شكواه وعاتبني
قال أنسي زكريات زمان وارحمني
مش قادر انساها ساكنه جوا ضلوعي
يا قلبي كفاية بكي وأنين وقرب مني
وأنا أعيش على هواك وداوي جروحي
أنت اللي حبيت يا قلبي مش أنا لوحدي
بلاش تحملني حنيتك وتتخلي عني
أرحم دموعي وبلاش تخلف ظني
وأن كان على الماضي اطويه يولي
كفايه شربت كأس المر والعذاب وحدي
اوعدك إني علي هواك أمضي بلاش تظلمني
بلاش تحملني حنيتك وتتخلي ف الآخر عني
وأنا ادوق المر وعيش في العذاب من تاني
#الشاعر_د_صلاح_محمد_الحفناوي
ليست هناك تعليقات:
إرسال تعليق