*** شافولي الكف *** من ديوان حروف من خوف....
بيعدي العمر وبيجري
وايامه بسرعه تسف
والدنيا دواره
وواخدها بينا لف
وعندي الاحزان متجمعه
ونزله فيا زف
جابولي يوم عارفه
وقالولي هتشوفلك الكف
لقت خطوط كتير بكفي
فيها الوجع يتلف
قالتلي البدايه خط الحظ
وحظك م الاحبه قليل
وعيونها بالدموع مليانه
مجرها سيل ع الخد
ولسان حالها يقول
بينك وبين الحظ
مبني يجي مليون سد
وعاوز كمان طاب خد
رغم انك طيب وحنين
بس ملكش بخت مع حد
رجعت بيا الذكري للماضي
ادور فيه علي الخلان
علي الاهل والصحاب
ملقتش منه رد
قولتلها خطي الحظ
يمكن يقابلك خط
بكفي مرسوم فيه الود
ردت بحزن واسي
كل الخطوط همومها تهد
وعند خط العمر وقفت عمد
وقالت ليه سريع بيمد
وفيه المواجع جبال
شايلها ازاي ومتحمل
وبتعافر ولسه واقف وبتكمل
ده اللي زايك م الزمن اتهد
قولتلها طول العمر
توبي وبيتي من الصبر
ومركبي من سنيني
شرعها اصيل وحر
وتاخدني مع الامواج
توصلني من بر لبر
حطت يدها علي الخد
وقالت خط في كف
اسمه الحب وهو نهايه الحد
عنده قلبي وجعني بجد
وبان عليا الالم والصد
صمت رهيب وكان منها الرد
في الحب اسمك سند
تدي ماتاخد من حد
ماتعرف غير الاصول والجد
تزرع بالمحبه فدادين من ورد
بس يخساره عليك يادي القلب
وافيت كتير ومالاقيت
الوفا يوم من حد
وياماه اشتريت الود
وكان حبك دايما فرض
وكان ليك الجرح هو الرد
دموعي سيل الم يهد
وسحبت من يدها يدي
وقولتلها كفايه بقا عد
واخدت ساعتها عهد
مرمي كفي بكف حد
واعيش واكمل حياتي
لحد وصولي لبطن اللحد
**** شافولي الكف ****
بقلمي محمد رمضان.... 29/8/2023
ليست هناك تعليقات:
إرسال تعليق