انتو الحِس.. شعر/ رضا الحسيني(للراحلين)
كل مكان ف الدار بيحس
ياللي أخدتو معاكو الحِس
هنا قعدتنا معاكم كانت هي الأنس
هنا ضحكتكم لمست روحنا لمس
هنا لمتنا من حواليكو الشتا والشمس
كل كلامنا مع بعضينا عنكم بس
صوتكم فينا بيخلينا نغيش ف الأمس
ياللي أخدتو معاكو الحِس
&&&&&&&&
ياللي معاكم راحت روحنا
من بعديكم مارتحناش ولا فرحنا
الشوق ليكم بيخليكم هنا مطرحنا
ويا الذكرى بتحضن فينا كل جراحنا
احنا معاكم اتكلمنااوبالروح فيكو سرحنا
مين يلاقينا بعد ماقالوعلينا روحنا
ياللي اخدتو معاكو الحِس
كل مكان ف الدار بيحس
ليست هناك تعليقات:
إرسال تعليق