الزمن
خواطر / عادل رشوان أبوعيطة
......................
ياااااه جريت الأيام
فى مارثون حياتى
وعديت على محطات
الزمن الفانى
بلا رحمه بلا شفقه
الدنيا وخدانى
دنيا عجيبة ليئمة
مشيت فيها وحدانى
سحرتنى و لهتنى
وضيعت أيامى
لا كتف فيها ساندنى
ولا حيطه مدريانى
سهرت مع النجوم
أرسم أحلامى
جت ريح مخصمانى
طيرت أحلامى
كتبت على صفحات السما
كل ذكرياتى
مسحتها أمطار الوجع
من مدامع عيونى
معدش منها إلا قلب
مكسور مع أحزانى
وعيون بتبكى
على حبيب مجاشى
وصحبه باهته
لا تعز ولا تدارى
والوجع بيطل قدامى
فى مراية حياتى
أشوف جواها نفسى
عجوز كبير فانى
ليست هناك تعليقات:
إرسال تعليق