بتتسلي بعذاب قلبي
عشقتك والهوي فكره
تداعب فكري وخيالي
وقلت انك امل بكره
وأن انت اللي دايمه لي
وأنك ورده بتفتح ...
وأنك أم لعيالي. ..
ولما سمعت صوتك قلت. .
بأن انا امي داعيالي.
.... ...
رعيتك ورده وسقيتها
في حضن حنون محبتها
وجوه عيوني خبيتها
وقلبي اللي كان بيتي
في غمضة عين صبح بيتها
اتاري الحلم لما يطول
بيقلب في الحقيقه كابوس
وانا اللي سمعت ابويا يقول
بأن ابني اتولد منحوس
ولما خفت شمسي تغيب
وأملي في الحياه بيخيب
مشيت عز النهار بفانوس
.... ......
مع الأيام. .لقيت الدنيا
بتغيير. .في افعالك
بتتباعدي. .وبتصدي. .وبتهدي
مشاعر. .فاكره دايما لك
... .......
انا عارف بأن نهايتي. .
ياحبيبتي علي ايدك
وهما يدوب تلات ايام
يروح حزنك. .وتنهيدك
وحا تقولي مابين نفسك
ماهو الميت ابقي منه الحي
وتتسلي علي شاشتك
تشوفي اسم مين الجي
وتتسلي بعذاب قلبه
ما هي الدايره لابد تدور
ويتعب زى في حبه
يشوف الضلمه بعد النور.
ليست هناك تعليقات:
إرسال تعليق