عدى شهور وشهور وشهور
وأنا مشرب من بحر الصبر
ليلي وحيد مفهش بدور
من يوم ماسكنتي ياأمى القبر
إتعودت على الأحزان
أيوه ياأمى أتعودت
ليه الفرح ملهش مكان
وحلم سنينى ليه ينهد
والموت يبني مابينا حد
ومليون سد بينى مابين الضحكه ياأمى
نفسي أشوفك مره في حلمى
ليه متجيش ؟!
لونسيتيني عمرى ماهنسى
مهما الدنيا عليا متقسى
كنت في حضنك ملقى المرسى
وكانت الضحكه ياأمى تعيش
ياللى كسرتى قلبي بموتك
متوحش لفطير عودك
والتسابيح من فوق الدكه
كأني ياأمى بسمع صوتك
كأن الصبح بيصحي ورودك
لما متحكي في جمال مكه
دمع عيونى ياأمى بحور
من أسيوط لغيطان عكه
كننى الشمس وكنتي النور
وكنتي القمره إللي في السكه
وكنتي عمامتى اللي بيها فخور
وعصايتي اللي عليها متكه
متي ياأمى وسبتي أحزانى
جفت منها بحور الصبر
أيوه بإيدي هدمت أركاني
لما فحرت بإيدي القبر
من أوجاعى بكتب شعري
على أضلاعى ودمعى الحبر
فى كل صلاتي وكل دعائي
مدعي ليكي واسأل ربى منه الصبر
# ابو الليل
ليست هناك تعليقات:
إرسال تعليق