أُغنیّة إموادع صدگ
یولفی الگلب جر صوبک وجالک
تخونه الّی وفه إبحبّک وجالک
إشتعل بالنار حامالک وجالک
تطفّیه لو یظل یسعر علیّه
...
یا ولفی گلبی ملتهب ، ضکنی الوکت ما جیتنی
إتگلّی أحبّک بالکذب ، بس بالصدگ ترکیتنی
إتعذّب الروح الرادتک ، چا هیچی صارت صحبتک
یا وسفه لیش إتظم علی ، حب و إنتهه او ملیتنی
...
عاشرتک إسنین المضن ، وین الوعد یالغالی
مو گلت لحلف لک قسم ، ویّاک أظل للتالی
یا حلو گلّی إشبدّلک ، و أنت العزیز إشغیّرک
إتذکّرنه من چنّه إبسفر ، حبّیتک او حبّیتنی
...
إمغادرنی و إعیونی تصب ، وضّح لی گلّی إبیا سبب
سهران لیلی للصبح ، أگلب إصورّک و أنتحب
صعبه علیه و أنتظر ، طیر السعد منّی یفر
تنسانی تگدر تبتعد ، إبشوگک عمر حرگیتنی
...
یالضیّعتنی إبهل وکت ، وین الوفه او وین العون
مایک سراب إتلامعت ، گلبی إبغیابک مجنون
محتار ما عندی فکر ، بالفرگه روحی تنعصر
مشتعله إبنار إو جمر ، مجروح ما داویتنی
...
ودّعتک إموادع صدگ ، بس أدری أنت الخسران
تتندّم إو أاخر تجی ، تسئل علیّه الجیران
میفید تتعذّر بعد ، أاخر کلامی للأبد
خذ ذکریاتک و إبتعد ، إبذکرک اون خلّیتنی
...
عندی طلب و أتوسّلک ، إبعد علی ما أشوفک
و إبگلبی أصلاً لا تمر ، بیّنته الی معروفک
ما أرید أنا أتنطّرک ، و إبفکری دوم أتصوّرک
حبل إلوصل ما یرتهم ، حنّیت ما حنّیت لی
...
لو صدفه و إبملگة درب ، لا یرمی جفنک برماح
یم الحبایب بالحچی ، لتگول غشّیته إو راح
ما أقبل إتذمنی إبحچی ، او لا أقبل إتون بالبچی
مای او تبدّه او ما یرد ، عطشان ما أرویتنی
...
جاسم ثعلبی الحسّانی 29/02/1401
ليست هناك تعليقات:
إرسال تعليق