إوعديني إنك تجيني
تمسحي الدمع في عيني
تعالي ردي وسمّعيني
لسة في قلبك أنيني؟!
لسة بحبِك صدقيني
ضميني ليكي ورجعيني
ياللي آهاتِك أنيني
ياللي مش قادر أقول لِك
حرماني منِك أصبح جنوني
ومطيّر النوم من عيوني
إوعديني إن إنتي جاية
تريّحي قلبي شوية
وألقى من ربي الهدية
إبتسامتِك مالية عيني
فكّريني بالأماني
إنها تاني جاية تاني
والألوف شاوروا علينا
هوَّ هوَّ ... وهيَّ هيَّ
رجعوا تاني لنفس القضية
ضميني ليكي ورجّعيني
ياللي آهاتِك أنيني
ياللي مش قادر أقول لِك
حرماني منِك أصبح جنوني
ومطّير النوم من عيوني
سافرتي ليه م قلتي جاية
وقلبي إستناكي شوية
وعقلي قال لأ مش هيَّ جاية
صدقت عقلي ... مش دي الأسية
بعدها قلتي ألو ...
من كتر غضبي إللي الناس شافوه
ثرت فيكي م الكلام إللي قالوه
كنت في آخر حدودي
وإتورمت منّي خدودي
ضميني ليكي ورجّعيني
ياللي آهاتِك أنيني
ياللي مش قادر أقول لِك
حرماني منِك أصبح جنوني
ومطّير النوم من عيوني
>< .. >< .. >< .. >< .. >< .. ><
المهندسين ف ٢٨ / ٨ / ٢٠٢٣ م
إوعديني
أغنية من تأليفي
هشام علي
>< .. >< .. >< .. >< .. >< .. ><
ليست هناك تعليقات:
إرسال تعليق