بائعة الورد
مين يشتري الورد مني وانا مش بياعة ورد
بهديه للأحبة من غير فلوس وبكل حب وود
معايا الورد على كل لون والأحمر لون الخد
والأبيض للي قلبه أبيض ولاخان يوم العهد
والأصفر لون الغيرة وغيرة الحبيب لذيذة
والبنفسج بيقولو حزين والبهجة فيه ميزة
وورقه الأخضر ياجماله يصونها ويجعلها عزيزة
يحافظ علينا من الشوك وحب الورد غريزة
ياريتني أقدر افوت على كل الأحباب
وازين بابهم ببوكيهات الورد على الباب
وكمان اعدي واهديه لكل الأصحاب
مين يشترى الورد دي الوانه تسحر الألباب
تعال يابيه خد وردة بيضا إهديها لزوجتك
أو تاخد الوردة الحمرا الجميلة لحبيبتك
والوردة الصفرا خدها واهديها لخطيبتك
مين يشتري الورد مني
الورد ياجماله لونه زاهي وفتان
والبنات تاخده زينة على الفستان
ده الورد لسه قاطفاه من أجمل بستان
وزهوته وريحته وعبيره ماليا المكان
اتفضلى ياهانم وانت يابيه هدية مني كمان
مين يشترى الورد مني
بقلم /
سامية محمد
ليست هناك تعليقات:
إرسال تعليق