(حكاية البلبل)
كلمات الشاعر/سعيد الشبراوى
لمحت بلبل ع الشجرة بيتنطط
عمال يصفر.............. ويتفطط
سألته بتصفر لمين ياجميل وتتنطط ؟
قالى حبيبتى هجرانى وبصالحها
عمال اداعبها.................. وأغازلها
ولا انت فاكرنى........... بجاملها
لا ..داحبيبتى دى......سكر مكرر
جمالها يخليك كدا............ متحير
ماهى حبيبتى وهى .....رفيقتى
ومقدرشى يوم ..............أزعلها
دا أنا حياتى من غيرها..... عدم
ولو هجرتنى أقضى حياتى بعدها ندم
دا العين متكحلة............ ربانى
والرموش سحرانى.... ....وخدانى
أما الوش كأنه................ القمر
طلع على شوق فى.........ليلة سمر
والقوام ياعينى............... عليه
كل مافيه................... لايق عليه
قوام ملفوف........... ... ربانى
أصلها حلوة ........ . . وعجباتى
أما الإيدين سبحان من صور
جمال طبيعى.......... مش متحور
والرجلين.... ملفوفة لف
وعليها......... ..... ........ التوب بيلف
أصله بيغار ويدارى عليها
من حسادها........... إلى حواليها
ومش عايزنى أتنطط وأصالحها
دا أناا كدا ابقى ...........خيبتها
ماتيجى تصالحها.......... معايا
ويكون ليك ...........دور ويايا
والأجر والثواب على الله
وكفاية إنك حتصلح بين...خلق الله
ليست هناك تعليقات:
إرسال تعليق