جبتا شتله قالولي لها ثمر وريحه طيبه ومنظر حلو وزرعتها وبعد سنين لقيتها وقلت
جبتك من بين الجرود وزرعتك باجمل بستان
وتعبت عليك بالزود وسقيتك مية الجفان
سقيتك طيب منالطيب بلكي تزهى الوانك
وكنت معك كاالطبيب وفرج عنك احزانك
وداديتك مثل الحبيب حتى اشتدو اغصانك
مستني منك مردود رياح من عطورك ريحان
مستني العطر الفواح المسا اوحتى الصباح
وجمال ثمار التفاح وقلت التعب كلو راح
فكرنا معك منرتاح ونتفيا بظلك ورياح
وما توقعت لما عود لا قيكي شوك وزيوان
لاقيكي شوك يجرح يجرح والجرح يقرح
توقعت زهار تفرح وعطوره علينا تفحفح
قلت بكره . بتسرح ويمكن ورودا اتقمح
ياحسره غبن المجهود من حالي صرت خجلان
متمني اني شيلك قبل متسمي ا لوردات
وازرع ورده بديلك منها بيغارو الحبقات
قالو علي مثيلك لاتحطوها با الجنينات
مجربه عند الهنود وقالو مجربه بالبنان
طلعتي اكثر من خرفيش او مثل شوك العكوب
حريرك طلع من الخيش ورداتك لونن معطوب
ولمثلك مابظني يعيش ويعطي عطوره اوطيوب
لاعطيتي منطيب العود ولا فتح ورد بنيسان
ثاري ا لاصل بالشروش غلطنا وما عرفنا انقي
الورق والقشره مغشوش تمنيتك لو بتطقي
لوكنت بقصر مفروش كنتي الحجر بتشقي
خرجك اتضلي بجرود ومايشوفك غير التيهان
ياريت سموك قرويص وشبهوك بالعقرب
اوعليقه بالتخصيص انت لشوكي اقرب
منبعد الخبره وتفحيص صوب الاجرب لاتقرب
يا اما بيجيك الدود يااما بتنعدى كمان
لما فيكي انغشينا من الفرحه ماتعشينا
قالو عنك ياشينا قلنا هوذي واشينا
فكرتي بتهمشينا لما معك تماشينا
نحنا شلناكي عزنود وانت ماالك امان
قلت للشال الحيه لاتحطى وسط عبك
هي مابتعرف الخطيه هيك خالقها ربك
وصيه عن حسن النيه اياك الجهل يطبك
لو تحلف بالخمس حدود يامقوى كيد النسوان
ابو اشرف غسان الحيناني /
ليست هناك تعليقات:
إرسال تعليق