طير ياحمام
طير ياحمام عند القمر
قول له معاك يحلى السهر
وانزل على كتف الحبيب
قول له الجراح طابت وانا
وجرحى مُش عايز يطيب
ده انت مُنايا وفرحتى
وقمرى انت وشمعتى
واغلى شئ فى دُنيتى
وافرد جناحك ياحمام
وابعت له100 مليون سلام
وحشتنى ايام السهر
واسهر لمين بدون قمر
طير ياحمام شُق الطريق
وهات معاك رد الحبيب
وكلام يطفى لى الحريق
قول له الفراق والله صعيب
والعمر من غيرك كئيب
ياحبيبى ليه طال الغياب
ترمينى ليه ف بحر العذاب
وانت الامل وانت الطبيب
لا انا صاحيه ولا عارفه انام
والهجر للعاشقين حرام
شد الرحال وطير ياحمام
شعر احمد اسماعيل / شاعر العرب
ليست هناك تعليقات:
إرسال تعليق