...صعب تنسيني ....
غاوي عشقك في ليلي
زمانك بعيد عن عيني
وف كل ليلة عندك أنا
ف حكاويكي هتلاقيني
أنا تلاقيني ف حلمك
أنا كام دقة جوا قلبك
أنا ف خطاويكي جنبك
وجواكي قلب بيناديني
لو نسيتي بكره هيقابلنا
ف صورة كانت بيننا
كلمة ف جواب ولما كانت
عينيكي بتيجي ف عيني
أنا غنوتك ساعة الفرح
أنا قلبك إللي مني إنجرح
أنا لحظة قلبك فيها سرح
تنسي نفسك ولا تنسيني
عارف إني ضيف في حلمك
وصورتي ليلاتي ف حضنك
بتنام معاكي هنا جنب قلبك
وتصحي تطلي ليها وتعاتبيني
أنا أول حكاية حب عشتيها
وآخر حكاية حب هتعيشيها
أنا ذكري ف كل وقت بتلاقيها
ولا يوم فارقت عينيكي عيني
مش غرور ده إحساسي بيكي
وحبي لسة مرسوم ف عينيكي
وإيدي تحس بلمستها إيديكي
أنا حبيبك وصعب يوم تنسيني
..... أيمن بلال ....
ليست هناك تعليقات:
إرسال تعليق