🌿🌿🌿🌿🌿🌹 إلى الأحلام 🌹🌿🌿🌿🌿🌿
من غير سلام
ياكل حراس الكلام
اتحركوا فكوا اللجام
يا أعلى حاجة في المقام
احكولنا عن معنى السلام
ورونا فين طار الحمام
دي القدس منا
واحنا منها
ومش كلام
يعني العروبة مهما ضعفت
شعبها . ولا عمره نام
مستني بس اللحظة
واهو جزء منه
طوفان وقام
يعني الحكاية كلها
وحدة زمام
إتوحدوا
ما تعبنا من كتر الآلام
إتوحدوا
ملعون أبوه الإنقسام
إتوحدوا
ولا احنا مش قد المقام
ماتشيلوا من فوقنا الغمام
امتى هتخلص الحكاية
وتوتة توتة
وف ساعتها
بكل همة . وإحترام
هضربلكم
تعظيم سلام
🌿⚘🌿⚘🌿⚘🌿⚘🌿⚘🌿
أسأل الله العظيم رب العرش العظيم أن يجمع شملنا
وأن ينصر أمتنا وأن يرزق بلادنا الأمن والآمان
فلسطين في القلب
شادوليات
شاذلي محمد عبدالرحمن حسين .
ليست هناك تعليقات:
إرسال تعليق