🍃🍃🍃🍃🍃 شجر جميز 🍃🍃🍃🍃🍃
شجر جميز
وطارح توت
وتوت على توت
وقطر يفوت
وجدر يموت
ونبقى اسود
تدق العركة بالنبوت
صراخ بينادي ويهلل
بعلو الصوت
ويبقى الورث
ورث جحود
وننسى وعود
وتطرح طرحة الأيام
بفرع جديد
ضعيف مفلوت
ونبتتها
تكون . عكروت
يتوه في الدنيا
والملكوت
يبيع التوت
وتنشف
ساقية الأوهام
يدوق طعم المرار والكوت
يجرب وحدة الحرمان
ويرجع للزمن
مفقود
وايه في الدنيا يستاهل
دا مهما كبرت في الآخر
دي جتة يا ناس
واكلها الدود
🍃🍃🍃🍃🍃🍃🍃🍃
شادوليات
شاذلي محمد عبدالرحمن حسين.
ليست هناك تعليقات:
إرسال تعليق