أنا أبويا وحشني جداً
كان ديما بيراعيني
ويشيل الهم عني
وبيمسح دمع عيني
ولو حزنت مره
ولقيت الدنيا مره
كان ديما بيواسيني
لو مره نسيت اشوفه
عمره ما في يوم نساني
مهما إن كانت ظروفه
في القلب له محبه
دا الحب الاولاني
كان بنصحني بكلامه
ولا عمره في يوم اذاني
الم الفراق بيوجع
وساكن جوه روحي
في القلب وف كياني
دا لو العيون هتبكي
مين بعدك هيواسيني
من يوم ما روحت يابا
بيزيد شوقي وحنيني
كان قلبك شط ليا
وكنت النور لعيني
فارقني وراح وغاب
من غير مايقوللي كلمه
من غير مايسيب جواب
كان ضهر وكان سند
كان فاتح باب لقلبه
كان صلب كالوتد
كان بحر حنان وطيبه
في الشده كان أسد
كان يدي كتير محبه
مالهاش حد وعدد
وإن مره احتجت له
بيكون ليا المدد
كان قلبه مليان حنان
بيكفي 100 بلد
انا ابويا وحشني جداً
والله وحشني جداً
..................
زيدان المرسي
ليست هناك تعليقات:
إرسال تعليق