بقلمي
طه هيكل
صباح الخير ياعرب
لوكنتم لسه عرب
مش مستعربين
ولا تكونوش لساكم
في العسل نايمين
خليكوا نايمين
ده النوم راحة
وخلينا ساكتين
ولا مش ساكتين
مش فارقة كتير
ما اهو احنا منكوبين
ونكب تفوت ولا حد يموت
ودايما قهوتكم سادة
وآخرتكم قربت يا سادة
لأن الثور الأبيض إتاكل
والدور علينا جاي جاي
لأننا مقسومين
جماعة شمال
وجماعة يمين
والوسط فاضي
والظهر مكشوف
والحبايب عقبال عندكم
بيلعبوا بالملايين
نقول كمان
صباح الخير ياعرب
بقولها بكل غضب
مفيش فيكم عصب
كلنا من جوه مخوخين
وياما نفسي ف كلمة
ترجعنا زي زمان مزأططين
ولا حتى خطوة صح تحسسنا
إن احنا على وش الدنيا موجودين
ونفسي ونفسي ونفسي
بس فين النفس ياعين
طه هيكل
٢٠١٥
ليست هناك تعليقات:
إرسال تعليق