يخطي القلب يتكركب
بقلم ماجدة البهيدي
*****************
فاكرني البيه بنظرة هرق
علشان شافني بقول أنا هئ
وهجري عليه وأقول دايبة
وقلبي إليه يزوقني زق
ندهني يا حلوة قولت انا توء
رفع حجبه وضم البوق
رمش بعيونه سبلي
لقتني بدوخ واقع وبرق
بقى اكمنه جميل وكحيل
مفيش منه ولو في قليل
يخطي القلب يتكركب
وأسهر له كمان الليل
اشوف طيفه مشاعري تهيش
وقلبي يدق بالشواكيش
وأرقبه من بعيد لبعيد
ولو بيمر أسك الشيش
طب أحبه لا أنا حبوش
أخاف ليكون هواه مغشوش
ومطلي بعشق من الفاخر
ومن جوه ميستلهوش
خطفني إزاي منيش عارفة
عليه انا حاسة باللهفة
يقول حنيت أقول لا
ويمكن آه وأكون خايفة
وليه دلوقتى أنا في حيرة
كأني في حبه انا خبيرة
م كنت مريحة دماغي
وحطة القلب في جبيرة
ده كله علشان بقول انا هئ
ده طار عقله وماشي يلوق
اومال لو بص في عيوني
وعرف إني خلاص راح أرق
انا اللي جبته انا لنفسي
معنتش قايلة هئ ومئ
بقلم
22/1/2024
:
#ماجدة_البهيدي
:
ليست هناك تعليقات:
إرسال تعليق