بقلمي/عبد الحفيظ جابر شيبه
ضحكتك ذنب
الكل شايف ضحكتك بس
لو جسمك زجاج
كان الكل بيك حس
وشافوا الحزن بيعصر
في قلبك عصر
وجابولك دستتين مناديل
يمسحوا الدمع اللي نازل
مالعين بيشكي الليل
الطويل إللي ف العزاب
مالوش مثيل
أو جني لقلبك مس
فاكرينك بتضحك مالسعادة
اللي مالية قلبك
مايعرفوش إن الحزن قاعد
ف الكرسي اللي جنبك
مستني إبتسامة تظهر
ع الوشوش بسرعة
يحضنها ويخنقها
من غير ما تعرف
إيه جانيت ولا إيه ذنبك
ولا إيه ف قلبك دس
بقلمي/عبد الحفيظ جابر شيبه
ليست هناك تعليقات:
إرسال تعليق