صم إتراب
أريد أرسل رسالة الملك عزرائيل
ملك و إمن الملوك الكون أعرفنّه
ياخذ روحي منّي إمن العذاب أرتاح
إبگطع نفسي الحياتي اليوم أريدنّه
الدّنيا إوياي ضاگت مثل سم الخيط
عذاب إبگلبي زايد ما أحملنّه
الدهر باليني بلوا إبجيشه يرمي إسهام
متعمّد يضرني إبعيني أشوفنّه
من صغري او ضگت مر العذاب الوان
أخذ منّي الأودّه إبليلة الحنّه
او تابعني إعلي شوگی الأبتسم ويّاه
او دفن ضحكت دلالي إبروضة الجنّة
صارعني إبشبابي او دافعت للموت
إدفعه إبقوة و إيردلي و أكسرنّه
بعدني إمن السعادة المنيتي إبدنياي
تلف كل ذكرياتي إبزوده يتهنّه
بعد ما أريد أعيشن عيشة المنكوب
أريد الموت بترابه و أشمنّه
دنيا إبغير حب ما تسوا صم إتراب
الحب هو الطبيب الجرحي أشهدنّه
يضمّدني إبغرامه او يحس گلبي إبخير
عزيز الروح لو حنضل و الهمنّه
عطر و إيسر حياتي او عيد جيته إتصير
يحبني إبكل وجوده و أنا أحبّنّه
جاسم ثعلبي الحسّاني (جاسم محمّد الحسّاني)
22/10/1402
ليست هناك تعليقات:
إرسال تعليق