♕ أصحا فوق ♕ بقلم الشاعر : صبري عبد الواحد الحساني

 كلمات شاعر بنى هاشم

الشاعر صبرى عبد الواحد الحساني

               أصحا فوق

أصحا فوق **علشان تقدر تسوق

اصحا فوق** علشان تطلع لفوق

                     أصحافوق

اصحا فوق** الدنيا ما مستهلاش

اصحا فوق** ما تبيعش الغالى ببلاش

                  اصحا فوق

اصحا فوق** شوف نفسك واقف فين

اصحا فوق** يكفينا شر العين

                  اصحا فوق

 اصحا فوق**ايدك تحك ضهرك

اصحا فوق** كداب من قالك أنا فى ضهرك

                 اصحا فوق

 اصحا فوق**, ما تقولشى فلان سندى

اصحا فوق** فى الناس ما ليش غير ولدى

                 اصحا فوق

 اصحا فوق** الباقى كله كداب

أصحاب فوق** زى ما تحب حب

                اصحا فوق

 اصحا فوق** مهما كان أحبابك

اصحا فوق** حرص منهم جنابك

                اصحا فوق

 اصحا فوق** عدوك كبر ليه النايب

اصحا فوق** ما تخليهوش عن عينك غايب

                 اصحا فوق

اصحا فوق**الزوجة لوكانت أصيلة

اصحا فوق** تبقى انت ليها الأهل والعيلة

                 اصحا فوق

اصحافوق**, عيالك هما سندك

اصحا فوق** مالكشى بعد بناتك وولدك 

                 اصحا فوق

اصحا فوق** ما تقولشى اخويا وابن عمى

اصحا فوق** مافيش حد هيشيل همى

                 اصحا فوق

 اصحا فوق** بالمثل عامل اللى يعاملك

اصحا فوق** ورد جميل من يجاملك

                 اصحا فوق

اصحا فوق** الدنياماتسواش ياغالى

اصحا فوق**. وإلله العوازل ما شاغلين بالى

                 اصحا فوق

اصحا فوق** العوازل والحاقدين

اصحا فوق** من حساباتى دول ساقطين

                    اصحا فوق

اصحا فوق** اللى يعزك بقلبك عزه

اصحا فوق** واللى يبيعك بسكين جزه

                    اصحا فوق

اصحا فوق**. الجدع ما تفرطش فيه

اصحا فوق** حطه فى عنيك وخبيه

                    اصحا فوق

اصحا فوق** والخاين بيعه ما تشتريه

اصحا فوق** لو من دمك الدم صفيه

                    اصحا فوق

اصحا فوق** اللى فى القلب فى العين باين

اصحا فوق** مهما يدارى ما هو خاين

                    اصحا فوق

اصحا فوق** خليك معاه زى ما ماشى

اصحا فوق** ما تقولشى جاى أو ما جاشى

                     اصحا فوق

اصحا فوق**, عامل بالمثل من يعاملك

اصحا فوق** ورد جميل من يجاملك

كلمات أرجو أن أكون استطعت أن اعبر فيها عن حال الدنيا وما يدور فيها 

اخوكم/ صبرى عبد الواحد الحساني معلم بمدرسة الإصلاح الزراعي بنجع حمادى