===== مصر أم الدنيا =====
حبيت مصر بلادي
بكل ما فيها
حبيتها بكل حاضرها
وبكل ماضيها
بكل ناسها
ودول أساسها
دول أحلى
حاجه حلوه عليها
حبيت غيطانها
وبيرويه نيلها
طعمها سكر
بيسقيها
حبيت صروحها
بكل أشكالها
هوه ربي وحده
اللي حاميها
لو بصيت من
بعيد لبعيد
بييجي رمضان
وبعده العيد
أيامه حلوه
والكل مستنيها
تلاقي اللمة
والعيله
وأطفالنا في كل مكان
بتعمل هُليله
بفانوس رمضان
بأغاني
حلوه تغنيها
حبيت مصر
بعزيمتها
وقت الشدة
تلاقيها
حبيت جيوشها
حراسها
وقت الأخطار
بتحميها
وترهب بقوتها أعاديها
مصر فيها الجمال
يفوق الخيال
مصر سواعد رجال
تبني الحضارة بإيديها
مصر عَلَمْ وعِلمْ وعمل
مصر الأمل
بلون الربيع ....
وشمس طالة
بالدفا ليها
مصر شبعانة برغم الشقا
واللقمة تسعد أهاليها
مصر الإيمان
وأزهرها بقالوا زمان
ينشر سماحة وسلام فيها
مصر الوحدة بكل أطيافها
كنسية وجامع لكل الناس
بالمحبة تناديها
مصر أعلام في كل العلوم
لكل الدنيا تسعدها و تهديها
مصر أساس الدنيا
وهيه أم الدنيا
وفين زيها مصر نلاقيها
بقلمي
صلاح شعبان الفيداوي
القاهرة
٢٨/٢/٢٠٢٤
ليست هناك تعليقات:
إرسال تعليق