وردات القلب
سكران وبعدي مااشربت
بزرع وردة بتطلع " قلب "
بزرع كلمة بتطلع "حب"
********
شو بعمل إذا كان الحب
عم ينبع من جوا القلب
مشاعر خالقها الرب
باركها وسماها حب
وللجنة سواها الدرب
*******
سكران ومابديت الشرب
بزرع وردة بحصد " قلب "
بزرع كلمة بحصد " حب "
********
طمني دخلك يارب
سكران وزايد بالشرب؟!
مجنون وشارد عالدرب ؟!
مصدوم وضيعت القطب ؟!
عم أهزي وضيعت السرب ؟ !
عم شوف العالم بالقْلب ؟ !
ناسي حساب وجدول ضرب ؟ !
مع أني مابديت الشرب
********
قلي شو صاير يارب
ليش الوردة بتنبت قلب ؟
وليش الكلمة بتنبت حب ؟
صاحي وعقلي بعدو شب
مافي خمرة ومافي شرب
متأكد والله يارب
أنو الوردة بتطلع قلب
وأنو الكلمة بتطلع حب
بقولا وما بشعر بالذنب
*********
عاينّي دخلك يارب
صدّْقني بعدي ما خرفت
رفعت خوري
إسبانيا
ليست هناك تعليقات:
إرسال تعليق