صرخة ألم
خواطر / عادل رشوان أبوعيطة
..............................
صرخة ألم طلعة من جوه الحشا
كسرت سكون الليل بكل قسوته
زلزلت كيانى و فزع ليها كل البدن
فرشتى زرعة كل عيدانها حطب
حصادها شوك غارس بيدمى الجسد
ومن كتر الهموم ماَعاد فيها راحة بال
ومن شدة الألم ما عاد فيها حتى نوم
دا العقل تايه بين حكايات الهموم
القلب دايب من كتر صنوف الغموم
والناس بتسأل فين حبيبك والسند
فين ال كان سماك وقنديل ضيك
فين شمسك ال نورت طريق دربك
فين سدك ال حماك من جفاف دمك
قبل طوفان الجحود في كل مكان جنبك
و زيادة الغلا في كل ال طلباه نفسك
الدنيا شتا والبرد قرص كل الجسد
والريح عاتية قلعت كل خيام الأمل
والجوع وباء والنفس جعانة رضا
والطمع زايد فزاد مع الجوع الجشع
الروح عطشانة محتاجة ال يروى
ونبع المحبة جف ما فيه حب مطر
وسد الهوى انهار من كتر حمل الزمن
والروح فى زفير الحياة عماله تبكى
على ال راح من زمن قديم و فات
وترك بصمات كل علاماتها عمى
ليست هناك تعليقات:
إرسال تعليق