ناس .... وناس
ناس من الدنيا هديه تحبك وتشوف ايه الًِي يزينك
وناس عينهم رضيه تحسد فرحتك وتتمنى تحزنك
ودول ناس انت كل شاغلهم وبتسمي عليك وتكبر
وبتعشقك منغير ماتشوفها إنت ولا حتى تستاذنك
الأنيس والخسيس اجناس على القلب بسهم تنشن
الأول معاك عالحلوه والمره غرضه يسعدك وحنين
التاني آه من عمايله سهمه يجرح ووجوده مايعمر
واحد مادد لك إيده بالخير والثاني إنت عليه هين
اه من قليل الأصل لاجل مصلحته خصامه ووصله
يهديك بيمينه ورده و إيده الشمال شايلالك نصله
لافارق معاه حزنك بدمعتك مايحس بيك ولايتأثر
أما إلأصيل الكلمه الطيبه عنده فيها قوله وفصله
ده لا أخوك ولا من دمك يخاف عليك شايل همك
يحطك في نيني العين ووقت الشده تلاقيه ضمك
يلف يدور كما دبور لو غيبت يومين او أقل وأكثر
الناس معادن دهب وماس ونحاس وإنت وحظك
#جمال_نصر
ليست هناك تعليقات:
إرسال تعليق