.............. علمتنى الغرام ..............
منك لله يا قلبي انت اللي عرفتني بيها
وحرمت عيونى تغفل وتنام
وسهرتني الليالي مشتاق اشوف عينيها
واسرح وانا صاحى ف الاحلام
وجاي دلوقتي تقولي انا مش قادر عليها
والقا كل اللى عيشته اوهام
طيب بقي قولي يا قلبي اعمل ايه فيها
بعد ما هى علمتنى الغرام
بعد ما حبيتها وإشتقت كل ثانيه ليها
بعد ما اصبحت ليا مقام
وفي كل مكان افتكرها قدامي الاقيها
والقا عبيرها يرمينى بالسهام
وطيفها يهل عليا من قبل ما افكر اناديها
واسمها ع لسانى شوق وهيام
والقاها فى احلامى منوره منامى بلياليها
إللى حرمتنى من المنام
وجووه قلبى لقيت اسمها مكتوب بإيديها
منور بالياسمبن بعزف رسام
والأغصان اللى زرعناها طرحت حواليها
فل وأزهار وبلح الشام
جي تقوولي دلوقت بلاش منها وإلغيها
بعد كل ده يبقا حرام
لأنك لو شفت صورتها مستحيل تلغيها
ولا تنساها فى يوم من الأيام
.............د. حسن الشوان ............
ليست هناك تعليقات:
إرسال تعليق