((قدر الشعوب العربيه))
//////////////////////////////////////////
بدي احكي خرسيني
واحيي قادة عروبتنا
العم يشتغلوا تحتيني
القصد يوطوا رايتنا
ياخيي بينك وبيني
بدي افتحلك قلبي
اجتمعوا أمرا ورؤسا
وطلعت طز كلمتنا
//////////////////////////////////////////
شيخ الشباب الفيهم
رحتلو ت اشكيلو
قلتلو العربي عم يصرخ
قرب اسمع ولاويلو
عما بيدعي ع الظالمين
صرخ لكلبو تعا شيلو
لاعندو ذمه ولادين
بدو يكشف فضيحتنا
//////////////////////////////////////////
اوعى تعلي صوتك هس
خوفي يقومو ينزعجوا
اهل العظمه قلن فس
أنتفخوا ورايحين ينبعجو
على كراسيهم حاططين دبس
لو يقوموا بينطعجوا
فرحوا رقصوا عملواعرس
لما ضاعت عزتنا
//////////////////////////////////////////
تعوا ت نحكي ع يوم الأمس
لما كنا عناتر
كتله وحده تسد الشمس
مابتهاب المخاطر
لكن هاليوم بنحكي همس
الفحل الفينا والشاطر
بالوحل لراسو نيزل طمس
كل الدنيا قرفتنا
//////////////////////////////////////////
اميرنا شغلو يحط حراس
ت يصونولو الكرسي
ويهدد بقطع الرأس
للي يفكر فوقو يرسي
الكرسي ع خلفيتو منقاس
وكيتب عليه يانفسي
اعلي واعلي والله خاس
البدو يزعج حضرتنا
//////////////////////////////////////////
شعر ؛ d.. نذيردهان
ليست هناك تعليقات:
إرسال تعليق