وجعى... من كلماتى.. عـــــــــــــــــــــــــادل داود...
وجعى أنا مش أى وجع.. وجع مايتحمله.. أجدع................. جدع
حزنى أسود غطيس. معيشنى آهات.وصرخات آلم............. وفزع
موصوفلى العذاب ألوان.بلا حنان. ولا أمان. والفرح............ إتمنع
والآه آهات. والصبر مات. والقلب اللى بين الضلوع............ اتخلع
وجعى.ـــــــــــــــــــــــــــــــــــــــــــــــــــــــــــــــ
دنيا. توهتنى.قاسيه.وظلمتنى. بعذابها ورتنى كل أصناف البدع
حالفه ماتريحنى وتجرحنى وتدبحنى..وتوسلى ليها...... ماشفع
أضحكلها تبكينى. أسامحها بتأذينى. لاعندها أى رحمه ولا ورع
غِرقت فى دموعى وذل خضوعى وإحساسى.إنطرح... وإنجمع
وجعى.ـــــــــــــــــــــــــــــــــــــــــــــــــــــــــــــــ
أنا لو هبوح هتسمع عن جروح. لاسمعت عنها ولا فى... الخيال
شوف لما تتجرح جروح.وطيرك مدبوح وبيك الحظ....... مال
شوف لما تغرق ف بحر بلا شطأن.وفرحك أحزان.ودمك.. سال
عايش ومش عايش. ووسط ناسى وأهلى ومفيش...... وصال.
وجعى.ـــــــــــــــــــــــــــــــــــــــــــــــــــــــــــــــ
خلانى.أنسى. اسمى.واتوه عن. عنوانى..واسأل الناس أنا مين
يقولولى حد جاى من دنيا تانيه. طيب وحنين هادى...وأمين
والناس من كتر همى سمونى أيوب.الصابر وكبير كل الطيبين
أمرى سلمته لصاحب الأمر.عايش على جمروهو رب العالمين
كلماتى.ـــــــــــــــــــــــــــــــــــــــــــــــــــــــــــــــ
أنا..عــــــــــــــــــــــــــــــــــــــــــادل أبو داود.....
ليست هناك تعليقات:
إرسال تعليق