قصيده بعنوان/ اضمن منين
الشاعر / عامر عبده عامر مصر
يفرق في ايه قربى منك عن بعدى عنك
اضمن منين فى قربي منك ارتاح واعيش
اضمن منين في بعدي عنك ما تنسانيش
اضمن منين دا الضامن ربنا
تفضل فاكرني وفاكر عهدنا
تسال علينا وتحفظ ودنا
مش يمكن تعتبرني ذكرى
ويفضل قلبي عشمان في حبنا
طب اعمل ايه حيرت قلبي
حبي ليك كتر لي غلبي
قلبي حنين ما ينقدر
نويت اقرب وانا ونصيبي
وسلمت روحي للقدر
حط ايدك في ايدي
وشوف حل في حكايتنا
ونفكر شويه يا سيدي
انت شايف الحيره قتلتنا
انا وانت بس وربنا هو اللي شاهد
لو انت مبسوط بالهجر والقلب جاحد
قل لي اسلم روحي للهجر وأتشاهد
ليست هناك تعليقات:
إرسال تعليق