حوار فى غزه
نفسي يابوى لقمه خبز وشربة ميه
هو العربى يابوى ميت ولا يابوى لساه حى
مات ياولدى لما الجبن فصله زى
لما غزانا ياولدى الجوع
ولما حضن الجلد ضلوع
لما كان للظلم دروع
لماقتل لليل الضى
لما حملنا سيوف أخشاب
لما بلدنا حكمها ذئاب
لما بقينا للغرب أذناب
وتسولنا على الأبواب
وكنا نخاطب كل سحاب
خراجك جى
إصحى يامصر و صحى حجاز
لسه فى غزه دهب والماس
لسه حماس رافعة الرأس
وابونواس لساه فى دبي
لو هنموت هنموت بشرافنا
دأحنا الموت ياولدى يعرفنا
عمر الذل ماكان فى أعرفنا
داأقصانا مسرا نبى
ياحكام الأمه دا عار
مش قادرين تفكوا حصار
ولا تطعموا فم صغار
برج النخوه فيكم انهار
اللى إلهكم أصله دينار
لسه فى غزه فيه ثوار
فيه أمثال يحيى السنوار
هم أحفاد جعفر وعلى
أصل الموت ياواد مكتوب
هأصبر يابه صبر أيوب
وطنى عمره ماكان مسلوب
بكره شمس☀ هتشق سحوب
وعمر ما يكون للشمس غيوب
يافلسطين الفجر أهو جى
احضن يابه قبل ماموت
حلمى يابه مش هابنى بيوت
حلمى يابه شربة مية
فجأة واحده انقطع الصوت
لكن كاتب قبل الموت
بوسلي ا لأقصى لما يعود
وقوله ياقدس فى غزه أسود
القعقاع وابن مسعود
و معاذو بلا ل وطلحة وأبى
مات الطفل لكنه حى
#جلال الدين ابو الليل
'
ليست هناك تعليقات:
إرسال تعليق