السما عم تشتي
..............................................
السما عم تشتي وقلوب فرحانه
و الحقله عم تشرب والدني ضحكانه
والغيمة مسروره بالخير مليانة
والشجر عم يرقص والأرض حليانه
والناس مسروره نزل المطر بالخير
غنت العصفوره شرب الزرع والطير
ورجع الفرح تاني والضحكه عليانه
والفرحه عمرانه وربي يدوم الخير
......................
لما الدني تشتي بيزقزق العصفور
بيملا الدني غناني وبيرقص وبيدور
وبيضحك المنتور عنا بأرض الدار
وبتغتسل لزهور يلي على الأسوار
بيمشي النهر تاني ورقصات وغناني
والسمكه فرحانه بميّة الأمطار
والحب من تاني راجع لأوطاني
والدبكه عمرانه يا أهلا بالزوار
..............................
لما الدني تشتي بتتبسم الأيام
بيحلا الحلا أكتر وبتكبر الأحلام
بيزيد عطر الكون بتتعطر الأنسام
و بألف لون ولون بتتلون الأنغام
بتزهى الدني أكتر وخيرات عم تكتر
والحب شو بيكبر منقول أحلى كلام
وبتحلا لغناني والفرحة من تاني
وليالي عمرانة وبترفرف الأعلام
.............................................
ملك محمودالأصفر
بقلمي
ليست هناك تعليقات:
إرسال تعليق