ه بيعك
بقلم سامي محفوظ حنا
ه بيعك وانا الكسبان
خاين وغدار
ما لكش أمان
إزاي على قلبي تؤتمن
ه بيعك من غير تمن
وأنا الكسبان
إذا كان على حقي
فوضت لله أمري
ه سيبك للزمان
ه سيبك وأنا مش ندمان
ه ندم على غدرك بيا
ولا اللي شفته
معاك من آسيه وحرمان
ولا على دمعي
اللي ياما بيته
على الخد سهران
وقلبي اللي شيبته
من كتر الأحزان
وزهر العمر دبلته
قبل الأوان
ربيعي بالخريف بدلته
مافضلش فيا
غير بقايا إنسان
ه بيعك وانا مش ندمان
ه بيعك من غير تمن
ه بيعك وأنا الكسبان
بقلم سامي محفوظ حنا
ليست هناك تعليقات:
إرسال تعليق