♕ أنسى ياقلبي ♕ بقلم الشاعر : نصر سيد بدر

 أنسى ياقلبي

قلبي اللي كان يبكي

اذا سمع الادان...

يفرح..اذا شاف السنابل والعيدان

ويقضي يومه ع السواقي...

في الغيطان..

زارع علي شباكي ورد وسيسبان

معقول تقول لك كلمه..منها تنكسر؟؟

قالت ياقلبي.. انت م الجيل اللي شاب

قالت ياقلبي انها فى سن الشباب

فتحت عليك ياقلبى ابواب العذاب

اسف ياقلبي واعتذر..

اسف ياقلبي واعتذر واحلف يمين

اوعي دموعك تنهمر من كل عين ..

اللي حصل منها ياقلبي..يرضي مين؟؟

انا كنت ليها القلب..كانت مهجتي..

وكنت ليها الضهر..كانت فرحتي..

كان اسمها نورى اللي ناير دنيتي

امسح ياقلبي اسمها من ذكرياتك

انسي ياقلبي واوعي تندم ...

ع اللي فاتك. ..

انسي اللي كان لك ظلمها..

من غير حدود..

انسي اللي جوه في قلبها

كتلة جحود....

اسف ياقلبي واعتذر واحلف يمين

عارف ياقلبي..انت تبقي قلب مين؟؟

عارف ياقلبي انت فين..وهي فين؟؟

بكره تداوى الجرح ده..ياخد يومين

ده كتير عليها تتنسي..

في غفو عين..

اوعي ياقلبي تنهزم..

اوعي ياقلبي تنكسر..

اللي يبيعك يتحرق او ينفجر..

وما يستاهلش.

..........................

شعر/نصر سيد بدر.القاهره