#دوارة
وهتدور الأيام أكيد بيقن
وهتتغير الأدوار
وهيجى يوم على المسكين
يفرح بذلة الأشرار
دوارة
هى الأيام بسرعة دوارة
وخسارة
للى يخسر فيها يا خسارة
ويطلع منها حزين
لا فرح طول الوقت بيدوم
ولا حزن طول الوقت بيدوم
والدنيا دى مجرد يوم
فا عيش فيها مسالم
إن كنت حزين مهموم
او صاحب حق مظلوم
فيه ميعاد للمولى معلوم
تترد فيه المظالم
قطر الحياة سريع
و سنين العمر بتفوت
حرام فى الفاضى تضيع
وتطلع منها هلفوت
دا لكل واحد فى الدنيا
نصيب مكتوب
من أفراح ومن أحزان
ميزان الحق بالعدل
بين الخلق محسوب
ولا بيظلم فيها إنسان
فـا ليه قلوبنا محتارة
دوارة
✍️ وائل البطراوى
ليست هناك تعليقات:
إرسال تعليق