** خليك مكاني **
خليك مكاني يا ابن الناس
شلت الحبايب فوق الراس
مشيت تكبر في المخاليق
كسروك و باعوا دهب بنحاس
هما اللي كانوا روح الروح
وأنا اللي كنت أداوي جروح
سابو لي قلب وحيد مدبوح
و جرحوني وسط الناس
حتى الحبايب والأصحاب
سابوني وحدي بدون اسباب
نسيوا يدقوا علينا الباب
و النخوة تاهت في الوسواس
إزاي تعيش وسط الشياطين
من غير ضمير عايشين سلاطين
عاملين علينا بني أدمين
طلعوا وحوش من غير إحساس
الدنيا غابة بالألوان
والإبن ماشي بدون عنوان
سألت على بر الأفراح
وصفولي شط من الأحزان
القرش ساحر كل الناس
تعالى اقعد في مكاني
احكم بنفسك في زماني
أنا اللي كانت أفراحي
تجمع صحابي و خلاني
لوحدي عايش في الأحزان
أشرب مراري كاس ورا كاس
الشاعرناصر عطا محمد
ليست هناك تعليقات:
إرسال تعليق