............. مال الدنيا ............
مال الدنيا مش ح يديك سعادة
ولا ح يغنيك عن معاملة البشر
ولا ح يخليك فى قمة الإشاده
وقلبك يفقد الروح ويبقا حجر
مال الدنيا يغريك فوق أى عاده
ويخليك منتشى بعظمة القيادة
وتعيش مغرور فى عالم الرياده
لكن وقعته عتمة وظلمة وشر
متخليش المال يتحكم فيك
وتعيش مذلووول ويلعب بيك
وتهجر دينك وناسك ووالديك
وتتكبر ع اللى حواليك والعبادة
مال الدنيا غروور ويفقدك البصر
وتنسى نفسك وتنسى قوة القدر
وتعيش محرووم من ظل الشجر
ولا ح يدوم وقصة قارون إفاده
الطاعة نور القلب وروح وهداي
لا تعرف مال ولا منظرة ودعايه
لكن جبر خاطر الناس والرعاية
كنوز فى طاعه الله على السجادة
المال الحلال إحساس وتوواضع
يجذبك لقلوب الناس بكل تواضع
تزرع الخير تلقا الغيطان مزارع
تطرح سنابل لكل مهمووم بزياده
...........................................
........ د . حسن الشوان 🇪🇬 .......
ليست هناك تعليقات:
إرسال تعليق