( أنا غلطانة كدا )
بقلمي( منى شحاتة )
جمهورية مصر العربية
أنا ليا شروط ف اللي أحبه لو تقبل بيها
اقرأ كلامي دا كويس وأفهم معانيها
أنا عايزة أكون ف حياته أنا كل مناه
مطرح مايروح ف خياله أفضل وياه
مش يجي ويهملني وأبقى ولافارقة معاه
دا لاعاش ولاكان يجي راجل أنا أجري وراه
أنا يمكن أعدي وأعدي وأعدي كتير
لكن من إيدك ياروحي ف لحظة أنا أطير
ولايفرق معايا وقتها حبك ولا له تأثير
لو حبك يوم ملا قلبي وقتها فيه طب
اشيله ف لحظة وبسهولة من جوه القلب
دي كرامتي عندي أنا غالية وفوق أي حب
الحب دا كلمة كبيرة للي يقدرها
قبل ماينطقها لسانك لازم تحسبها
لو كنت حقيقي مقدرها تعاللي وقولها
وبكده أكون مش غلطانة لو كنت قابلها
ليست هناك تعليقات:
إرسال تعليق