تاهت مراكبنا
والبُعد يتعبنا
وفى العيون دمعه
والشوق مغلبنا
مابين ضباب وغيوم
ومصير اكيد محتوم
وحنين مدوبنا
غيرك ماليش حبيب
ولا الجراح هتطيب
ده قدرنا ونصيبنا
يابحر ليه غدار
تشعل قلوبنا بنار
ليه الفراق مكتوب
وابعد عن المحبوب
ليه موجك العالى
دايما يعذبنا
يامركب الاشواق
والله البُعاد حراق
خُدنى معاك لحبيب
غيره مايعجبنا
ونعيش سوا افراح
ونداوى اى جراح
والفرح يناسبنا
شعر أحمد اسماعيل / شاعر العرب
ليست هناك تعليقات:
إرسال تعليق