ليه ياقلبى تعيش ضحيه
وترضىٰ بعيشة العشاق
نظره واحده وكانت هيه
وقعتك وبقيت مشتاق
انت كنت منتظرها
نفسك تجرب الأشواق
حيرتني ياقلبي معاك
وعلمتني سهر الليالي
وأفضل سرحان بالساعات
وصورتها دايما قوبالي
مش قادره تبعد عن عيني
طول الوقت شاغله بالي
وقت ما تحرك رموشها
تحرك معاه مشاعري
عيني دايما بتراقبها
ألقى عقلي يقول دا قدري
لو تغيب عن عيوني لحظه
ألاقيها ساكنه صدري
وبتتسحب في وريدي
وكأنك ياقلبى م تدرى
أحس برعشه إيديا
وهي في وريدي بتسري
هيا دي عيشة العشاق
دايما سهران ويا قمري
ليه قبلت تعيش ضحيه
كان لسه عليا بدري
(((أسامه جديانه)))
ليست هناك تعليقات:
إرسال تعليق