أغنية بعنوان عتاب القلب ❤
ليه خونتني ياقلبي.......... ورجعت له
بعد ماعاهدتني إنك....... مش راح تحن له
ليه كده ياقلبي ليه
هو ده ياقلبي اللي اتعاهدنا عليه
نسيت اوام جرحه ليك
نسيت بسرعة هجره ليك
نسيت انك كنت......... بتحلم تكون فداه
وهو باع حُبك وأنساه
نسيت وارجعت له
رجعت....!!
رجعت من تاني تهواه
ليه ياقلبي ليه...!!
قولي ليه....!!
ترجع تدوب في هواه
وتعيش بجرح.... عاهدتني
انك راح تنساه
من خاين عشت كتير..........
تتمني رضاه
وهو باع حُبك........ لما كنت معاه
بتحلم تبقي كلمه...!!
كلمه حلوه في...... أيام وليالي
في ذكري ماضي....... عِشناه
وحاضر وأنت ياقلبي..... عايش وياه
ياه قلبي ياه.....!!
للدرجادي انت بتتمناه
ودايب ياقلبي في هواه
وبتتمني تتهني معاه
وبعتني انا أنا
واشتريتهُ.....!!
أشتريتهُ لمجرد...... نظرة في همسه
همسهالك...
وخدك مني ياقلبي
وجريت وراه
وهو اللي زمان باعك
وراح لحب تاني
وعاش مع حب تاني
ونسي زمانك وزماني
ولما حبهُ راح..... وضاع
دور عليك..... من تاني
قولي ياقلبي لحد أمتي.....؟؟
هاتبعني انت وتشتريه
وتبكيني أيام وليالي
علشان حب...... ضيع ليك الأماني
بخيانه ماكانت يوم
تخطر علي بالك وبالي
ارجع ياقلبي ليه
وكفايه بقي إللي أسيتهُ....... من حبهُ
من شوق وحرمان........ واسيه
ارحم بقي دموع عينيا
قبل مايغدر بيك......... من تاني وبيا
ويقيد نار فيك......... طفيناها
ارجع خلينا ننساها
وننسي اي حب..... زمان عشناه
ونعيش من تاني........ ايام وليالي هنيا
وانا وياك ياقلبي....... وعينيا
ارجع ياقلبي ارجع ليّٰ
وكفايا عليك وعليّٰ
خيانة وحرمان وأسيا
ارجع ارجع......ارجع ليّٰ
بقلمـــــــــــــى✍️✍️✍️
المستشارة الأدبية د. چيهان الطنطاوي
فينوس الأدب والثقافة العربية
ليست هناك تعليقات:
إرسال تعليق