......رسالة عتاب. .....
ياتهواني ياتنساني وتبعد عذبتني
فيك ألف طبع وطبع بيهم جننتني
معايا بحب وليك ألف حكاية حب
بتعشق في اللحظة ألف حيرتني
.......
هيمان في حبي سهران في دربي
وكل ليل تسهره بألقالك ليل جنبي
سهرانة فيه واحدة تانية وياها تحكي
جنانك عدى الحدود بعشقك عصبتني
......
كل كلمة بتكتبها وتقول كاتبها ليا
أفرح ويوصل فرحي لكل الدنيا ديا
وأعد حروف كلامك بقلبي وبعينيا
وألقي نفس الكلام لغيري عذبتني
......
أعاتبك تقول دي واحدة وبأرضيها
أسامحك ألقاك ويا غيرها تناجيها
وعايش حكاية حب دايب ف عينيها
طفل ف حبك وف هواك سهرتني
.......
ياحبيبتي إنتي الهوي والباقي هفوة
واحدة تقول بحبك ألقاني كاتب غنوة
إلهام مش أكتر بيهل ويروح في ثانية
وأنا أصدق وألقاك بحبة كلام خدرتني
......
طب أعمل إيه وأنا عاشقة عينيك
وصعب قلبي يعيش حبه إلا ليك
إنت إبن قلبي وعمري بأخاف عليك
بس وحياة حبي ليك ياحبيبي جننتني
.......
تقرب وتبعد وترجع من تاني توعد
تهجر وتزعل تبكيني ترجع وتسعد
وكل مرة تطب كفة هواك لما أتردد
ياعالم ف جنونه وف ظنونه خدتني
.......
أنا عاشقاك وبحبك مهما زاد جنونك
عارفة الخيانة طبعك وأنا صعب أخونك
لأني بعيش بقلبك وبأشوف بعيونك
بحبك ياعمري مهما ف هواك عذبتني
...... أيمن بلال .....
ياحيرتي ساعة ما ألقي خيانتك قصادي
ياألف حجة بألقاها ليك لما تخلف ميعادي
وأشوف ألف كدبة ف عينيك وأصدق فؤادي
بحبك رغم إنك بحبك في ألف سكة توهتني
.......
أيمن ياعمر عمري وقلبي خليني جنبك
وسيبني أعيش كدبة إسمها إن أنا حبك
خليني في أحلامك ولو يوم في عمرك
خليني جنبك حكاية لحبك تقول بتحبني
..... أيمن بلال.....
ليست هناك تعليقات:
إرسال تعليق