♕ ضاقْ الْحالْ ♕ بقلم الشاعر : ذ. محمد حديش

 زجل

~~~ 

ضاقْ الْحالْ

~~~~~~

ضــــــاقْ الْــــحالْ أَبويا وَهْبالْ

زَفْــــــراتْ اللَّـمَّة بَالْقيلْ وَالْقالْ

مــــــاحَدْ مْـــهَنِّي كُلْشي يْسالْ

طــــــاحْ اللْــــــتامْ تْكَلَّمْ مَدْلالْ 

ضــــــاقْ الْــــحالْ أَبويا وَهْبالْ

غــــــيرْ طْـــــحَنْ كُلْشي يَتْكالْ

الْــــــعَرْبانْ تْـــفَرَّقْ رَيْهُمْ بْسالْ

وَالْــــــعْدو سَوَّسْ مَرْڭَدْ الْخالْ    

ضــــــاقْ الْــــحالْ أَبويا وَهْبالْ

الــــــدَّقْ خَـــدَّام مْڭَعْڭَعْ جَوَّالْ  

وَالْــــــعْوافي تَحْرَڭْ عَزْ الرْجالْ 

حَــــــتَّى لـــــينْ يَهْنا داكْ الْبالْ 

ضــــــاقْ الْــــحالْ أَبويا وَهْبالْ

خــــــيرْ مُـولانا مْحَمْلو الجْمالْ

نــــــاسْ تْــــبَرَّعْ تَمْراغْ الْكَسَّالْ

وَالْــــــقَجْمَة تْــــهَوَّنْ مَرْ الْحالْ   

ضــــــاقْ الْــــحالْ أَبويا وَهْبالْ

تْــــــواخَرْ زْمــــانْ يَنْغَلْ أَهْوالْ

الْكَــــــلْبْ تْــــسَيَّدْ مْهَيَّبْ قُمالْ

كُــــــلْها عـــــافَطْ يَسْبَڭْ الْحالْ 

ضــــــاقْ الْــــحالْ أَبويا وَهْبالْ

الصَّـــــعْرا هاجْتْ مالْ الْمَكْيالْ

َوالْغَرْبانْ تْحَوَّمْ تْصَيَّدْ الْمَرْسالْ

بــــــَنْهيشْ فارَزْ الْفْريسَة وَكَّالْ  

ضــــــاقْ الْــــحالْ أَبويا وَهْبالْ

الـــــدَّنْيا خالَقْها مُولانا الْمُتَعالْ

وَبْــــــنادَمْ طْــــغاوْ فيها جُهَّالْ

يْــــكَنْزو وْسَخْهاوَالْموتْ غَفَّالْ 

ضــــــاقْ الْـــحالْ أَبويا وَهْبالْ

وْكُــــــلْ حــــالْ ما يْدومْ فالْ

الْــــــمَنْزْلَة كُــلْها بَلْوانْ الْهْلالْ

كــــــْتَبْها الْـــعْمَرْ كَسْدَة تْشالْ 

ضــــــاقْ الْــحالْ أَبويا وَهْبالْ

وْكُــــــلْ كَـــــرْبَة وَقْتْها تَدْبال

وْيَــــــتْفاجَ خـاطَرْ الْهَمْ عَوَّالْ

تَــــــزْها الْأيَّــامْ بْفَرْحَة التِّهالْ

✍️ذ.محمد حديش

~~~~~~~~~~

2025\01\07